Oileanaich Ghàidhlig a’ tadhal air Oilthigh na Banrigh, Beul Feirste, air turas-iomlaid Gàidhlig-Gaeilge

Thachair oileanaich Ghàidhlig à Oilthigh Dhùn Èideann ri oileanaich aig a bheil Gàidhlig na h-Èireann aig Oilthigh na Banrigh, Beul Feirste, mar phàirt de thuras-iomlaid eadar an dà choimhearsnachd.

Students posing for photo in the Scottish Parliament.
Ghabh oileanaich Gàidhlig na h-Alba agus Gàidhlig na h-Èireann à Oilthigh Dhùn Èideann agus Oilthigh na Banrigh, Beul Feirste, pàirt san turas-iomlaid.

Air a mhaoineachadh le Foras na Gaeilge, dh’fhuirich na h-oileanaich Ghàidhlig sa Chairteal Ghàidhealtachd (An Cheathrú Ghaeltachta) ann am Beul Feirste fad còig làithean, thachair iad ri oileanaich aig an Oilthigh, chaidh iad gu clasaichean Gaeilge, agus thadhail iad air ionadan cànain sa bhaile. 

’S e amas a’ phròiseact ’s gum biodh cothrom aig na h-oileanaich ionnsachadh mu shuidheachadh culturail, sòisealta agus eaconomaigeach air gach taobh Cuan na h-Èireann. A bharrachd air sin, b’ e cothrom a bh’ ann gus ceanglaichean a neartachadh eadar an dà choimhearsnachd. 

Gaeilge ann am Beul Feirste

’S e cànan Ceilteach a th’ ann an Gaeilge, agus i coltach ris a’ Ghàidhlig gu sòisealta agus gu cultarail. An latha an-diugh, mar a tha e an Alba, tha Foghlam tro Mheadhan na Gaeilge ann an cuid dhe na sgoiltean ann an Èireann a Tuath agus tha e comasach Gaeilge ionnsachadh aig an Oilthigh. 

Mar phàirt dhen turas, thadhail na h-oileanaich againn air ionadan cànain ann am Beul Feirste a tha a’ brosnachadh a’ chànain sa bhaile mhòr, nam measg, Cultúrlann Mc Adam Ó Fiaich agus Glór na Móna.  

Thadhail na h-oileanaich air oifisean Raidió Fáilte cuideachd, stèisean radio Gaeilge sa bhaile. 

Glór na Móna

Cultúrlann McAdam Ó Fiaich | Belfast

Students in radio studio.
Chleachd na h-oileanaich goireasan ann an stiùideo Raidió Fáilte gus agallamhan a chlàradh.
Students watch musicians in Scottish Storytelling Centre.
Chaidh na h-oileanaich Ghaeilge gu oidhche-ciùil Bothan Dhùn Èideann mar phàirt dhen turas ann an Alba.

Turas air Dùn Èideann

Mar phàirt dhen phròiseact-iomlaid, thadhail oileanaich aig a bheil Gaeilge air Oilthigh Dhùn Èideann san Fhaoilleach. 

Bha cothrom ann dhaibh ionnsachadh mu cànan is cultar na Gàidhlig aig an Oitlhigh agus sa bhaile air fad aig Òraid Chuimhneachaidh Iain MhicLeòid, clasaichean Gàidhlig, a’ phrìomh oidhche-ciùil Ghàidhlig ann an Dùn Èideann, Bothan Dhùn Èideann, agus bùth-obrach còmhla ris an Sgrìobhadair Gàidhlig air Mhuinntireas aig an Oilthigh, Niall O' Gallagher. 

Bothan Dhùn Èideann | Instagram

Fo-sgrìobh: Cuairt-litir Ghàidhlig na Pàrlamaid 

Publication date