Teagasg agus Ionnsachadh na Gàidhlig

Prionnsapal

Leanaidh sinn oirnn a’ lìbhrigeadh, ag adhartachadh, agus a’ leudachadh ar cothroman airson ionnsachadh fad-beatha mu chànan is cultar na Gàidhlig, agus a’ toirt taic do theagasg aig an Oilthigh.

Ar Geallaidhean

1. Tog air ar cliù mar ionad sàr-mhathais aithnichte ann an eòlas Ceiltis is Gàidhlig agus lean air adhart a’ tabhann ar ceum ann am Foghlam Bun-sgoile le Gàidhlig, a tha cudromach gu nàiseanta, do luchd-ionnsachaidh agus fileantaich. 
2. Leasaich agus leudaich molaidhean airson cothroman bogaidh taobh a-staigh no an cois ar prògraman ceuma Gàidhlig, a’ gabhail a-steach rannsachadh cothrom airson dian-sgoil-shamhraidh a leasachadh còmhla ri solaraichean foghlaim àrd-ìre eile. 
3. Adhartaich agus leudaich na cothroman againn airson cùrsaichean Gàidhlig taobh a-staigh ar solar Cànain dha na h-Uile, a’ toirt chothroman don phoball, don luchd-obrach againn agus do dh’oileanaich a bhith ag ionnsachadh na Gàidhlig. 
4. Thoir brosnachadh, taic, agus aithne do dh’oileanaich a choileanas an cuid obrach tro mheadhan na Gàidhlig, a’ gabhail a-steach a bhith a’ toirt taic do dh’oileanaich le feumalachdan ionnsachaidh a bharrachd mar a dh’fheumar. 
5. Rannsaich roghainnean airson slighean agus leasachaidhean Gàidhlig tarsainn roinn na Ceiltis is Eòlas na h-Alba agus ann am foghlam thidsearan. 
6. Leasaich agus leudaich ar com-pàirteachas le sgoiltean agus colaistean ann an Dùn Èideann agus air feadh na dùthcha, le amas sealltainn dè as urrainn don Oilthigh a thabhann do dh’oileanaich aig a bheil Gàidhlig agus dhaibhsan aig a bheil ùidh ann a bhith ag ionnsachadh na Gàidhlig.