Tillidh Seachdain na Gàidhlig 24 An Gearran gu 2 Am Màrt 2025 le sreath de thachartasan a’ comharrachadh cànan, cultar is coimhearsnachd na Gàidhlig air feadh na h-Alba. Bidh Ionad Gàidhlig Dhùn Èideann a' cumail Pop Up Ionad Dihaoine 28 An Gearran. Read in English Bidh còrr is 25 tachartasan gan cumail air feadh Dhùn Èideann fad na seachdaine, a’ toirt a-steach oidhcheannan de cheòl, ionad Gàidhlig pop up, òraidean agus bùithtean-obrach. ’S e pròiseact com-pàirteachais a th’ ann an Seachdain Gàidhlig Dhùn Èideann, eadar an Oilthigh agus Comhairle Baile Dhùn Èideann, a’ taisbeanadh cànan is cultar na Gàidhlig sa bhaile mhòr. Prògram Seachdain Gàidhlig Dhùn Èideann 2025 Seachdain na Gàidhlig aig an OilthighAir Diluain 24 An Gearran, bidh an Sgrìobhadair Gàidhlig air Mhuinntireas aig an Oilthigh, Niall O’ Gallagher, a’ bruidhinn ri sgrìobhadairean Garry Mackenzie agus Taylor Strickland mu na modhan-obrach aca ag eadar-theangachadh bhàrdachd Ghàidhlig, agus mar a tha e ag obair le cànain eile. Translating Gaelic Poetry with Niall O' GallagherAir Diciadain, bidh Sgoil Eòlais na h-Alba a’ toirt sùil air beul-aithris na Gàidhlig bhon ochdamh linn deug chun latha an-diugh aig tachartas a’ taisbeanadh làmh-sgrìobhainnean agus clàraidhean-fuaime às na Cruinneachaidhean MhicIlleMhìcheil-MhicBhàtair agus Marjory Kennedy Fraser agus tasglannan na Sgoile. A' Ceangal Cruinneachaidhean - Tiocaidean | Sgoil Eòlais na h-AlbaBidh cothroman gu leòr airson cleachdadh na Gàidhlig, le cearcallan còmhraidh leithid Cofaidh is Cabadaich agus Cearcall an Oilthighe air Diardaoin 27 An Gearran. Tuilleadh do OileanaichA bharrachd air na tachartasan aig an Oilthigh, bidh sreath de thachartasan a’ gabhail àite air feadh a’ bhaile mhòir. Air Dihaoine 26 An Gearran, bidh Ionad Gàidhlig Dhùn Èideann, an iomairt a tha ag obair gus ionad Gàidhlig a stèidheachadh sa bhaile, a’ cumail ionad Gàidhlig fad feasgar aig tachartas “Ionad Pop Up”, le bùithtean-obrach, farpaisean, cafaidh agus cothroman-còmhraidh fad an latha. Air an aon latha, bidh Bothan Dhùn Èideann a’ cumail oidhche de cheòl Gàidhlig aig Ionad Nàiseanta nan Sgeulachdan, le ceòl bho Mhàiri Nic’IlleMhaoil, Ailean Dòmhnallach, agus Catherine Tinney. Bidh sreath de dh’òraidean agus bùithtean-obrach ann fad na seachdaine, nam measg, òraid air ealain Albannach agus Eòrpach aig Gailearaidh Nàiseanta na h-Alba, agus bùth-obrach a’ taisbeanadh guthan cuèir sa Ghàidhlig aig Leabharlann Nàiseanta na h-Alba. Bidh oidhche-ciùil agus cèilidh thraidiseanta am measg nan tachartasan sa bhaile fad na seachdaine. Ar Sgeul Chaidh Seachdain na Gàidhlig a stèidheachadh ann an Dùn Èideann leis an Oilthigh ann an 2014 gus fèill a dhèanamh air cànan, cultar is coimhearsnachd na Gàidhlig sa bhaile. Tha am fèill air a bhith a’ ruith ann an com-pàirteachas le Comhairle Baile Dhùn Èideann bho chionn 2015. Tha Seachdain Gàidhlig Dhùn Èideann a-nis ga ruith aig a’ cheart àm ri “Seachdain na Gàidhlig” air fad, air a stèidheachadh ann an 2021. Ceanglaichean Seachdain Gàidhlig Dhùn ÈideannWorld Gaelic Week Publication date 17 Feb, 2025
